最近响網上見到個帖,話香港灣仔以前有發電廠,阿史好耐之前都介紹過係响日月星街一帶。咁响十九世紀末二十世紀初個陣,作為當時廣東最繁榮富裕嘅廣州市,幾時開設有電力供應呢?
廣州最初有電力供應記錄,係响1888年。當時清光緒十四年(1888年),兩廣總督張之洞從外國購入一部發電機以及100盞電燈,以供總督府衙門內照明用。過咗兩年後就有美國華僑集資開辦咗廣州電燈公司,向廣州市部分地區供電。之不過,呢間電燈公司只係得幾部舊發動機組,發電量唔算太大,不過以當時能夠供1500盞電燈照明用嘅電力已經好勁。可惜營運成本太大,响九年後執笠收場。
原圖嚟自網絡
評論:
共0 條評論